விற்பனைக்கு குழந்தைகள்

விற்பனைக்கு குழந்தைகள்

100 நாட்கள் இன்னும் கழியவில்லை. அதற்குள் அந்தப் பச்சிளம் குழந்தைகள் விற்பனைப் பண்டங்களாகி விட்டன. இன்று கணனிப் பிரியர்களிடையே பிரபல்யமாகிவரும் eBay என்ற இணைய விற்பனைத்தளத்திற்குச் சொந்தமான சீன இணையத் தளமொன்றில் விற்பனைக்கு குழந்தைகள் விடப்பட்டு;ள்ளது பெரிய சிக்கலை எழுப்பியுள்ளது.. ஒரு குழந்தையின் விலை 28000 யுவான்-அதாவது 1800 பவுண்டஸ் என்று இவர்கள் தகவல் வெளியிட்டிருக்கின்றார்கள். ஆண் குழந்தையின் விலைதான் இது. பெண்குழந்தைகள் ஏறத்தாழ ஆண்குழந்தையின் பாதி விலையில்- அதாவது 13000 யுவான்களுக்கு விற்பனை செய்யப்படும் என்று குறிப்பிட்டுள்ளார்கள். EachNet என்று அழைக்கப்படும் இந்தச் சீன இணையப்பக்கத்தில் கடந்த ஞாயிறன்று வெளியாகிய இந்த விளம்பரம் சர்ச்சைக்குள் சிக்கியதால் உடனடியாக நீக்கப்பட்டது. என்றாலும் இந்த விளம்பரத்தை 40க்கு மேற்பட்டவர்கள் நேரில் இத் தளத்தில் பார்வையிட்டுள்ளார்கள். சீனாவின் மிகப்பெரிய இணைய விற்பனைத்தளமான EachNet இன் அதிகாரிகள் இப்பொழுது Shanhai பொலீஸாரினால் விசாரணைக்கு உட்படுத்தப்பட்டு இருக்கின்றார்கள். பிள்ளைகள் இல்லாதவர்களுக்கு இப்படி ஒரு பிள்ளையைப் பெற முடிவது நல்லதொரு வாய்ப்பு என்று சீன .இணையத்தளச் சொந்தக்காரர்கள் வாதாடுகின்றார்கள்.. பிள்ளைகளைக் கடத்துவது சீனாவில் மரணதண்டனைக்குரிய குற்றமாக இருக்கின்றது. இந்த ஆண்டு இதுவரையில் பிள்ளை கடத்தல் சம்பந்தமாக நால்வர் பிடிபட்டு இங்கு மரணதண்டனை பெற்றிருக்கின்றார்கள்.